اتعلم ازاي تعاكس البنات ;)

اتعلم ازاي تعاكس البنات

--------------------------------------

ازيكوا يا جماعه

ركزوا معايا متسرحوش

عشان مش هعيد تانى

الكل معايا يستعد !! تخيل البنت من دول ماشية وليكن فى الشارع او فى مول ودخلت نغاشيشك قوي وعايز تكلمها




قرب منها وفي صمت دامس ولازم تخليها تشوف عيونك


إفضل بص ليها



البنت طبعا هتتكسف وتبص الناحية التانية



انت هتطلع رخم وتقرب جنبها تقولها ياه إية العيون الجميلة دي عيونك جميلة زي القطط بالظبط



هية هتبتسبم ومش هترد وهتتقل واحلي حاجة البنات اللي بتتقل ..



انت بردو هتكون ارخم وارخم ومتسبهاش قولها تعرفي انى عمري ماشوفت احلي من الشعر دة

ولو كانت لابسة طرحة

تقولها لعلمك شكلك جميل جدا بالطرحة مش هتعبرك بردو اطمن ...



خليك أرخم وأرخم (على طبيعتك اقصد) قولها بردو مش هتعبرنا ياجميل ... علي العموم دة رقم تليفوني وتقوله



هتلاقيها مطنشة قولها انتى بتتقلي لية انا عايز الرضا ياعسل



وخليك واد جنتل وانت بتعاكس يعني مترميش نفسك عليها اوى



قولها علي إسمك وإفضل ماشي جنبها مش وراها مش عايزين غباء وبصلها اوى ..


هتقولك فية اية انت عايز اية قولها بس اصل اول مرة اشوف حد بالجمال دة ..هتقولك ...ياخفة..وهية بتضحك...


قولها تعالي نقعد في اي كافيترية او اى مكان انتى تختارية ..


هتتراخم وتكشر وتقولك مبقعدش


قولها طيب انا فرحان اوى لانك رديتي عليا ..


هتضحك قولها علي العموم انا عايز اكلمك لانى معجب بيكى اوى

هتقولك لا قولها لا لازم اكلمك


هتلاقيها بتقول لا وهية من جواها نفسها تكلمك


قولها طيب شوفي انا بكرة هقعد فى المكان الفلاني وهنتظرك الساعة كذا كذا


هتسكت امسك اي ورقة وقلم واكتب رقم تليفونك واسمك ولازم تحطة مثلا علي كتاب ليها مسكاة اى حاجة مسكاها ولو


انت جرئ حطها في إيدها وإمشي علي طول وقولها ياريت اسمع صوتك ياجميل


وبعدين

.
.


هتلاقي نفسك اما في السجن او عند المأذون مع ان السجن اهون..


شفتوا بقي اخرة اللي بيعاكس البنات في الشارع

يارب تتعظو

وتسيبو بنات الناس فى حالها


يتكو القرف مليتو البلد


وملحوظه صغيرة تانى للتذكير: لو حصل اى ضرب انا ماليش دعوة

انا مش مسئول عن سوء الاستخدام فى المراحل الاولى..
__________________

ههههههههههههههههههههههه
لو اى ولد عمل كده
مش هيا بس اللى حتضربو الشارع او المول كله حيقوم بالواجب
وبردو فى الاخر بعد العلقه السخنه دى حيدخل السجن ويا سلام لو اهلها صعيدا ويجوزوهال
يااااااااااااااااه
حيكون احسن عقاب ليه
وحيبقا عبره لكل شاب
وكل ولد\شاب قبل ما يعاكس بنت حيفكر مليووووووووووووووووووون مره
بس بجد موضووووووووع حو كتيييييييييييير
تسلم الايادى زووووووووووما